كلمات موجهة إلي مصر

كلمات موجهة إلي مصر :

يا مصر ياللي انا فيكي بقيت عامل زى الطاحونة، عمال ألف وأدور وأنبع من جوايا وبدي ولا عمري في يوم أبداً كنت بشكي، بتعاملينا لية وإنتى مش عايزة تضحياتنا ولا أرواحنا تكون فداكى، وكتير لما بنموت فيكي وبنبقي عايزين نتوهم بإننا هنبقي حاجة بتاخدينا لدنيا بعيدة دايما وبتكوني نسيانا.

ياللي انا بموت فيكي كل يوم ألف مرة ولا مرة قولت لحد دى العيشة بقت فيها مرة، ولما كنت بحكي واقول كنت بحكي الواقع، أتاريكي يا بلدي مبقيتيش عايزة تحسسينا لا بالخوف ولا أى شئ بيكون منه واقع.

عيشنا فيكي وإتمرمطنا وشحتنا حتى فيكي حياتنا، ومشينا في أراضيكي وقولنا جايز في يوم نعيش، ولما مشينا يا بلدي قولنا هناخدلنا رصاصة طايشة أو حتى طلقة خرطوش!

لو مكتوب فيكي نعيش بكرة نحكي لأولادنا ونقول ونعيد ومش هنزهق ولا هنطنش نحكيلهم اللى فات ونوصف ليهم الناس اللى ما تساويش، اللى باعتنا وباعت بلدنا وكانت دايما متاجرة بالدين وفاكرة نفسها إنها كدة هتقدر تعيش.